أبيات وآهات.. بقلمي (يمنع الرد)

[رواد الردادي]

يقولون غلاه في صدري أشكبره
يا ويحي عنهم ما عرفوا يوصفون

ما دروا عن حــبه صـــــايرن عــبره
لكل عاشقن للهوى ولكل مجنون

 

[رواد الردادي]

دامك بسماء عيني كل شيء يهون
ودامك وطن لروحي الحـياة تعبر

يا بعد زول كل فـاتن وكل مفـتون
لعيونك القلب ينبض والبوح يبحر

 

[رواد الردادي]

يا الجادل اللي ما عليها قصور
فيك كل الظن اعرفه وافي

لو كـان دوم الحـب مــنصور
ما عرفنا الضيم ولا حزن القوافي

 

[رواد الردادي]

يا خفوق الوصل سير على خاطري
وأنبض على اللي غيابه يجرح

وخبره انه حب أمسي وحاضري
وقل له صويحبي دوم يربح

 

[رواد الردادي]

عطني أوقاتك وخل اوقاتي تضيع
والساعة معك كأنها يا الغلا عمر

حضرتك زهر ونجمة وغيم وربيع
ومناضرك مثل مناظر وجه المطر

 

[رواد الردادي]

تعال انصف غلاي يا بعد حاضري ويا بعد التالي
تعال وأحضر حضور القمره في عالي الليالي

 

[رواد الردادي]

يا عطرن فاح ياسمينه بين الاركان
جعل شر البشر يخطي لياليك

حروفنا بينها سلام وحب واحضان
يا رب سطري يسعد معاليك

 

[رواد الردادي]

محلا عيونك يا المها محلاها
ومحلا محيا في الغلا زاد نوره

 

[رواد الردادي]

أنتي شمس نهاري وليل دنياها
وأنتي فوح البوح وجنة زهوره

 

[رواد الردادي]

هاتي عيونك اللي ابيها تجيني
وأعطيك من عمر ايامي وقتن ثميني

 

[رواد الردادي]

يا صاحبي مالك ومال الشعر خله يموت
وأسعى وراء زوجة وسيارة وفله

 

[رواد الردادي]

ولا ترسم خيام وعمائر وبيوت
ما وراء السطر الا علتن تنطح عله

 

[رواد الردادي]

ارفع علومك يا الغلا وارفع مقامك
وخل كل كلمة سوء لصاحبها

 

[رواد الردادي]

وإن كان ما به طريقن لاحلامك
شمر سهام الحرف وحاربها

 

[رواد الردادي]

زان خاطري يوم أنك تعللت
يا زين حكياتك ويا حلو علومك

 

[رواد الردادي]

أنت الحلو والسمو هو أنت
مرتفع في الحلا من يومك

 

[رواد الردادي]

ترفق يا راعي النكهات ترفق
وعطني في الحب قهوتن ساده

 

[رواد الردادي]

ما ابي لا سكر ولا حبة البندق
ذوق قلبي مثل ذوق اجداده

 

[رواد الردادي]

أبطي على صدي من الوقت واروح
لين المسافة تختفي من ثراهن


وأحاول أقرأ ما استورد من الروح
واردد ابيات الشعر في غلاهن

 

[رواد الردادي]

يا قلب خل التغلي الغلا بالعين مفضوح
توارم النظرة على ممشى خطاهن

اون ونات القهر ومن تناهد الصبر انوح
ما عاد لي في حياتي عيشة حب بلاهن