اثبت حضورك ببيت من الشعر الشعبي

[عابر السبيل]

في صفحة الانفاس يا عابر احساس
ماعاد تلقى من يرد السلامي

تلقى السوافي جاثياتن على الساس
مدري اش علام الناس مدري اش علامي

كم كنت انا القى م المراميش نعّاس
اسمع كلامه ثم يسمع كلامي

راحت معا هجسن تقفاه وسواس
مادري جنوب الدرب او درب شامي

كم اللتفت لك في مزاحم الناس
مثيل طيرن ما يندرى وين حامي

لا واعلى من قبل ما توقف انفاس
ياصل لسمعه من بعيدن كلامي

عابر السبيل

 

[العذبه]

‏مواري غلاك تبين في وجه من يغليك
ليا مر طيفك في خياله بانت البّسمه

 

[عابر السبيل]

لاتشتكي همك على خالي البال
ولا تكتب الفرحه بسطر الكااابه

من سنة الايام حالن على حال
وعلى القلم في حين حرف الكتابه

كم قصة ن تكتب ضربن م الامثال
وكم عاشمن يعشم شرابه ب سرابه

عابر السبيل

 

[عابر السبيل]

في محجر اعيانه من الحزن دمعه
تنوي الخروج وسمتها عيا عليها

في لغزن هالاعيان مليون رمعه
ودي من انفاسي عبرتك واشتريها

همسن تجلى ما حظينا ب سمعه
تطمس حزونه بسمة ن تعتريها

دمعه وحيا وبسمات حاصل لجمعه
وانا كما القصه وهو مفتريها

ظلام حزنن والتبسام شمعه
وقد لي زمانن بسمته محتريها

عابر السبيل

 

[عابر السبيل]

يعيي الله يالعيون النواجيل
لاباس ياحلوات الاعيان لا باس

كم في الدهر من قاسيات الافاعيل
وكم ذا شربنا م النوى ساخن الكاس

يا اجمل خيالن عندنا يسسحر الليل
ياكم تشعل في ضميري م الاهجاس

من عرفتك وانت سحر البهاليل
ياكم مليته م الاحسايس من كاس

شوفي لها يشعل في الليالي قناديل
ياشبه صبحن عطر الجو بانفاس

عابر السبيل

 

[جنون عآبثهة]

-








على الله نسيّرها وحبل الرجاء ما خاب
‏على الواحد اللي فيه الآمال معقوده .

 

[العذبه]

الجو غيم وينتظر طلة الشوق ..
الا يابعد كل البشر في عيوني ..

قوم وخل نظرتك للسماء فوق ..
شوف جنون الغيم يشبه جنوني

 

[مِيرِيَام]

شفت لي خيلٍ تصافح خد خيل
ما حلا .. يدها على خد الفرس
الأصيل اللي تسلم عـ الاصيل
مهرةٍ جامح ولا معها حرس
تختلف م الخيل بالخشم السليل
والعيون اللي بها خجل ونعس
واعتدال العود والخصر النحيل
والنحر بدرٍ تجلاّ من غلس


من عتيم الليل يكسيها شليل
طاح منشوله وهده و إنتكس
ليتني خيالها ولا خليل
التقط ع سرجها طاقة نفس
من نظرت عيونها ضاع الدليل
لا بقى عندي دليل ولا ونس
جودها لي .. مثل ما جود البخيل
وانا حظي ما تعود ع الفلس


و هي من أهل الكرامه والجميل
والحياه عيون واكثرها عسس
خايفه من قول نقالٍ و قيل
واشيٍ و يلحّق السمعه دنس
من هواها لا بحي ولا قتيل
ثوّرت شوقي بصدري وانحبس

 

[مِيرِيَام]

يالغامض اللي تَـلِّ قلبي من أقصاه
شـلـعـتـه منّي وْراح فِدوة لِكِلـِّك
يا وَيحَ قَلْبي من مَحَبّتْك وَيـحـاه
عاجبني بِغْموضِك وْ مابي أحِلِّـك

خَلِّك مثِل مَنته أنا طبعِك أهواه
بْزينك بْشيـنك مثِل منته خَلّـك
لا بو خفوقٍ حَب عذابه وْ تِمَنَّاه
لا بو عيـوني لو تِـفَـكِّـر تِـمِلِّـك

"لكن شَرطي شرط وْ لابُد ترضاه
ماشوف غيري في الهوى يستِحِلّك
وإنـته تِخَيَّل رَدّ..شخص إنتَ منواه
يـهـواك من راسك إلى حدود ظِلّك"
—-
كل شي بي زين وْمِثِل مَ إتِّـمَنَّـاه
وإن ما سَعَتْك الأرض عيني تِشِلِّك
بس لا تِجَرِّب غيرتي..لَنـّي والله
ما أنصحِك فيها لو إني مَحَلِّـك

حُبِّك مابين القلب والضِلْع ممشاه
كيفه يحق له شي وْبسمِك تِمَلَّك
تسرح في نبضه ولاّ تمرح في مجراه
القلب و راعي القلب يفداك كِلّك

 

[العذبه]

ما كنك الا قهوةٍ .. هيلها زان
تجلي عماس الراس في كل حزّه

 

[مِيرِيَام]

البايع الشاري مع الناس مقبول
بيع وشرا عادي قبول وتراضي​

---

الى اجتمع مرهي وشاعر ومخبول؟
خلطة ادب فاشل تثير امتعاضي​

---

تشرى الذمم واتباع بالعرض والطول
والكل ينظرها بعينه وراضي​

---

المال خلاّ غير معقول؟ معقول!!
ما ألوم نجم الاغنيّه قام ياضي​

---

ياللأسف ما كل منقول مقبول
ثوبٍ مشجّر جنّب ثوبٍ ابياضي​

 

[صمت البوح]

:


الحب طيّب لكن يعذّب الروح
‏وفي أغلب الأحيان تاليه فرقى

‏والّا الصداقه ماتخليك مجروح
‏وتكبر مع طول الليالي وتبقى

 

[عابر السبيل]

لا وا على من موقق ن تلة الجيب
وجّه شمال ودربنا ضاربينه

نمشى على دربن ولا نعلم الغيب
ومن بيننا علمن وحن خابرينه

من دون تيما ء ايسر الدرب تغريب
تشمخ لك جبال الشفا قاصدينه

تلقى بها شرد الجوازي ملاعيب
وسط الدعث والا علاوي الدفينه

مع بلجة الانوار تحلى التصاويب
من بندقن تضرب على شف عينه

ياكم وعلن راح باعلى الشخانيب
جبناه من راس الجبل شايلينه

من عين قناصن يحق التعاطيب
خلى هزيل الصيد واعطب سمينه

بديارهم تلقى لذيذ التراحيب
والعلم طيب والغلا محتسينه

وسمح الوجيه اللي تربت على طيب
تلقى رجالن في تخووم المدينه

حب اليمن هو كيفهم م المشاريب
ونقل الحكايا بينهم عايفينه

عابر السبيل

 

[عابر السبيل]

ليل الشقا ياما على الدرب عشاق
ياصل بعضهم والبعض راح ثاوي

ياليل ياللي روّق الليل برواق
شهودك نجومن يالجمال السماوي

طمست في ثوبك جميلات الافاق
وياكم بكي حلو الاشفاق غاوي

تشبه جديلن ثلثلوا فوق الاعناق
امواج ليلن قلب فيها الغناوي

عابر السبيل

 

[عابر السبيل]

ياذيب ياللي من على الرجم عاوي
ماوحيت بالمرقاب ذيبن يعاوك

هو انت طربانن تزف الغناوي
والا رجاوي ن على الله يعشيك

ولا كواك من المواليف كاوي
واللي دهاني يا عكف الناب داهيك

كل ن يجي له في حياته بلاوي
لو هي تكلم سود الايام تنبيك

ماكل من تهوى يجي لك مهاوي
ولا كل من تبكي على البعد يبكيك

ولا كل من صافيت جا لك صفاوي
ولا كل من تغلى على الحب يغليك

عابر السبيل

 

[احلام عابره]

ياعلتي دون المخاليق ......... ودواي
ياعشق روح والشرايين...........يسري

قالو باع الغلا وتعنت لك....... خطاي
شاري وصالك بباقي سنين ....عمري

عساك تسامح وبطيبك تعذر خطاي
تطري عليه ويحرق الشوق ..صدري

لمتى تصد ياهوي البال ......ومناي
مشتاق انا تعال ولا تقول..... بدري

 

[احلام عابره]

ياطيف وينك ماجيتني .....بالاحلام
علامك تبخل بالوصل ياطيف.خلي

هات البشاير معطرات ن....بالغرام
ماعادلي غير ك بالكون...... ..يسلي

لامر صاحبي وبيده رد .......السلام
ماهمني لو الكل عني....... يولي

 

[عابر السبيل]

لا واحسايف ياليالي المضيات
وعمرن تولى ياغلا العين وينه؟؟

دورت انا له في الفجوج الخليات
الرجل حفيت والمساعي غبينه

مابين روحاتي للمضنه وجيات
والشاعر اللي تهدر الدمع عينه

ضاعت مع الايام ضحكه وبسمات
وياكم يبوحك ب الغلس من كنينه

عابر السبيل

 

[احلام عابره]

جيتك وله ماني محرج......... ومجبور
ماهو إلا شوق يسوق........ الاقدام

صديت عني وعاد القلب .......مكسور
كسرة مظلوم ن مكتوم.. بالاعدام

[UWSL]وأنهد قصر بنيته بإحساس...وشعور[/UWSL]
[UWSL]تاريك باني ساسه بتهاريج ..واوهام[/UWSL]

 

[عابر السبيل]

سلا م يا محراب الاشواق والبوح
يا شاهدن بين البكا والاغاني

مشيت منها كاسر القلب مجروح
واللي طواهم بالمحبه بلاني

لا باس يا شي ن على الخد مسفوح
كنه يركب في نظيره سواني

وانا على دربه لي ازمان مجروح
بس اتكفف عيشتي م الاماني

كنه مصير ن وانكتب لي على لوح
امشي وكني ثابت في مكاني

عابر السبيل