السلام عليكم ورحمة الله وبركاته
البارت 7
***
***
***
***
***
***
جالسه بالصالة وهي تشعر بالراحه : ربك ستر
جرح بسيط وخيطوه بس جدتك تحب تعمل
اكشن وتكبر الموضوع
فهد بلوم : يا يمه اتركي البنت بحالها
يعني لو سمح الله وصار لها شيء رح تصير مشاكل
واحمدي ربك انه امها وابوها مو موجودين
والا كانت صارت سالفه
فوزيه لوت بوزها : قال عنده شغل ضروري
واخذ ست الحسن معه
لا وللي يسأل تقول انه امها مريضه
فهد تنهد : يمه وش تبغين فيهم ؟!!
فوزيه بقهر : ما انقهر الا على حظ اختي المايل
ليه ما سافرت هي مكان فاطمه
فهد ما يحب سوالف امه دامهم متفقين مع بعض
وما في مشاكل ليه الكلام للي ما له معنى : يا يمه
دام خالتي شريفه مو معترضه ولا قايله شيء
وشهوله تعترضين
طالعته والدموع بعيونها: لا تلومني ينحرق قلبي لما اشوفها تراها ذاقت بحياتها
واشوف الحزن بعيونها
تراها انغصرت بحياتها وتمرمرت وانغصبت على اشياء ما تبغاها
غمضت عيونها لثواني ونزلت دمعتها على خدها: الله يسامحك يبه ويرحمك ويجعل مثواك الجنه
فهد حتى يغير موضوع مر عليه السنين
وما يحب يسمعه: خلاص للي فات مات
وحنا عيال اليوم
وكل شيء اقدار
هزت راسها وقلبها محترق على اختها
***
***
***
***
***
***
مجتمعين على الفطور بهدوء
ناظرتهم بمحبه : لا تستحون تراكم في بيتكم
خالد هز راسه بحياء مو متعود وخاصه امه وابوه مو هنا
حتى شوق مو جالسه معهم
الجده تنهدت : الله يهديها شوق رفضت تنزل تفطر
سامي باستغراب : طيب ما قالوا لنا انهم مسافرين ؟!!
الجده بحنيه : والله يا ولدي ما ادري اتصل وقال انه مسافر مع امك
وقفت : كملوا فطور اروح اشوف شوق
الظاهر انها زعلانه لانه ما احد خبرها عن السفر
توجهت لغرفة شوق
بعد ما طلعت الجده حط خالد اللقمه مكانها
ما له نفس بشيء بس اكل مجامله لجدته : مليت وضعنا هذا
شيء يقرف نكد بنكد مو مرتاح بالجلسه هنا ابغى ارجع البيت
سامي بنفس الضيق : المشكله ابوي قايل لها نقعد عندها لحتى يرجعوا من السفر
وممنوع نطلع من هنا او هنا
خالد لوى بوزه : قصدك دار جدي ابو عمر ممنوع
ندخلها حتى يرجعوا
والله حال
سامي : حتى على بيتنا ممنوع نروح
خالد اسند ظهره للكرسي : يمكن علشان شوق تعرف لسانها الطويل
اكيد رح تتذابح مع خالتي شريفة وبناتها
يمكن اختصار المشاكل
يعني كل شيء ممنوع والسبب شوق
ولا يا ليت معبره احد من البارحة ماده البوز وما ترد على احد
ما ادري على شو شايفه نفسها والله مريم احسن
منها
سامي : اسكت لا تسمعك وش يخلصك من لسانها الطويل
عفس خالد ملامحه واشر لسامي : تأخرنا على المدرسه
**
**
**
**
**
**
ابتسم بسعاده كل شيء ماشي مثل ما خطط
بس ينتظر رجوع ابوه
طلع من غرفته وهو يلعب بالسبحه وجلس بالصاله عند امه بالصاله مع امه لوحدها
اخوانه بالمدرسه
شريفه ابتسمت له
رد لها نفس الابتسامه : اخبارك اليوم ؟؟
شريفه : الحمد لله بخير
وانت ؟؟
فارس بفرحه : الحمد لله بخير
شريفه : اذا انك طالع خذني معك على بيت جدتك
اروح اشوف شوق
قاطعها بقهر : ليه تزورينها جعلها بالحريقه
وحده مثلها ما تستحق تناظريها
شريفه بهدوء : بعدها صغيره ما ألومها
وبعدين امها عسله علشان امها مو موجوده
اروح اطمئن عليها
فارس زفر بضيق: يا كرهي لها
شريفه : ما ادري وش تبغى فيها
خلك بحالك وهي بحالها يكون افضل
هز راسه وهو مصمم ينفذ للي في باله
مجنونه يتركها بحالها
**
**
**
**
طالع امه وضحك بخفه على كلامها : طردتيني من البيت والحين جايه تطرديني من هنا
فاطمه بعصبية : ايه اطردك ما ادري امي
كيف تستقبل واحد صايع مثلك سكير
تنرفز من كلامها : قلت لك والله ما اسكر
قاطعته : شفتك بعيوني لما رجعت للبيت وانت سكران
ياسر بقهر مو راضية تصدقه : والله بالغلط
صار الموضوع
ليه مو راضيه تصدقيني ؟؟
ام عمر بنرفزه : علامك على الولد من لما جيتي
وانت قاعده له
اتركيه على راحته تراك خنقتيه
يقول لك ما اسكر واخذ الكأسه بالغلط هي لصديقه
فاطمه مخنوقة ومعصبه من كل شيء : هذا انت قلتيها اذا صديقه كذا وش رح يطلع
باكر يرجع مدمن مخدرات
وقف بنرفزه ومحرق من القهر: انا وش دخلني بصديقي
الاهم انه انا ما اسكر
اخذت نفس وهي كاتمه عصبيتها : الصاحب ساحب
طول ما انت داير مع هالشله التعبانه متبري منك
وانت حر
الجده زفرت بضيق من فاطمه : يقال جايه تجلسي عندي علشان اني مريضه
تراك زدتي مرضي بكلامك
خلي الولد يعيش حياته وباكر بنفسه
يعرف الصح من الغلط
ابتسم على جنب ؛ عاشت جدتي
وقام باسها على راسها : الله يخليك يا رب
ناظرته فاطمة من فوق لتحت ولوت
بوزها
مو طايقه احد ومخنوقه ما تطيق كلمه
من حولها
تذكرت شوق بعدها ما كلمتها اكيد الحين متضايقه لانها جالسه عند جدتها
ناصر قال انهم سافروا حتى ما يلفتوا الانتباه
وعيالهم ما يحسون بالمشاكل للي بينهم
حطت يدها على راسها ذبحها الصداع
ناظرت ياسر بحسره نفسها تتفاخر فيه
وتقول ولدي دكتور او مهندس او استاذ او ضابط
او اي شيء
مو داير بالشوارع
ما تدري وش الحل معه
ياسر جلس جنبها : الجلو سرحان بشو ؟؟
طالعته ولفت وجهها عنه
وقفت ام عمر بزعل : وقسم بالله ما تستاهلين
هالقمر
ربي اعطاك إياه
والحين ترفسين هالنعمه
وقفت فاطمه والهموم فوق راسها : للي فيني مكفيني
دخل ابو نواف عليهك وسلم
وناظر فاطمه بزعل
ام عمر استغربت من نظراته : وش فيك انت الثاني ؟؟
ابو نواف بنبره زعل وهو يطالع فاطمه ؛ ما في شيء
فاطمه تنرفزت من نظراته كل شيء يحطون اللوم عليها تحس نفسها مضغوطه نفسيا
: ليه تناظرني كذا
تبغى اخذها وازوجها غصب عن ابوها
قلت لك مو راضي ورافض الفكره نهائيا
وش بيطلع بيدي قول ؟؟
ابو نواف بنبره شك : والله الكل يعرف بقيمتك عند ناصر وكلمتك مسموعه
والا الحين ما عاد يسمع منك ؟؟!!
قولي انك ما تبغين نواف وخلصنا
فاطمه بقهر : ليه مو راضي تصدق
ام عمر عقدت حواجبها : كيف ناصر يرفض
نواف ؟؟
وبعدين شوق ابنتي وانا للي ربيتها وما له دخل
ورح تتزوج نواف غصب عن نصور هذا
فاطمه جلست بتعب على الكنبه : يمه يرحم
والدينك فكيني من المشاكل ونواف يرزقه البنت
للي تستاهله
ابو نواف بحده : شفتي قلت لك انك ما تبغين
نواف وتحججت بناصر
ياسر كتف يدينه : ونواف وش ينقصه علشان يرفضه ابوي
والا فهد احسن ؟؟
ام عمر بتوعد : رح يتزوجها غصب عن الكل
فاطمه بقهر من كلام امها : يمه تراها شوق
مو بنتكم تتحكمون بزواجها
لها اهل يوافقون ويرفضون لا تقهروني فوق القهر للي بداخلي
ياسر : انا اخوها ورح تأخذ نواف غصب مثل ما قالت جدتي
تكلمت فاطمه وهي رح تنفجر بأي لحظه : ياسر لا تقعد مثل البغبغاء
تعيد كلام جدتك وكلام ابوك لا انت ولا غيرك
بكسره واتركوا البنت بحالها
ابو نواف زم شفايفه بقهر : وإلا
نسبنا ما يشرف الاستاذ ناصر
ليه اخذك دامنا مو من مستواه
فاطمه ما لها خلق تجادل : ليه تفسرون الكلام على كيفكم
ما يبغى يطلعها من العائله وخلصنا
ام عمر بعتب : ليه تكلمين اخوك كذا ؟!!
تراك تغيرتي يا فاطمه !!
زفرت بضيق وهي تردد الله يطولك يا روح : الشاطر يقول تغيرتي يا فاطمه وانا وش عامل فيكم
عملتم سالفه من لا شيء البنت ابوها ما يبغى
يزوجها
هو غصب عندكم
ام عمر عصبت من كلامها وطريقتها : وقسم بالله
الا غصب عن لحيته هالناصر شوق تأخذ نواف
ونشوف مين للي تمشي كلمته
وانت خليك محكومه له حتى على امك واخوانك
انقلبتي علينا
قاطعتها فاطمه وهي تبكي : بالله عليكم ترحموني
وتتركوني بحالي
ليتني اموت وارتاح من هالعيشه
وتركتهم وطلعت وهي تحس الدنيا مسوده بوجهها
مو طايقه احد وحاسه بالضيق يخنقها
تشاجرت مع ناصر على سالفه نواف
وعصب منها وزعل
يمكن زادت العيار بالكلام بس اخوانها طيبين
وين عينها منهم لما ترفض ابنهم
وما يحق له يرفض على كيفه المفروض شاور
شوق
هي للي رح تتزوج مو هو
عضت على شفتها بقهر مقهوره منه كلما
تتذكر موقفه لما تناقشوا بموضوع نواف
جرحها بكلامه قبل ما يسافر
هو شدد على الرفض لما عرف انه شوق
تكشف قدامهم
خلاص نفسها عافت البيت وناصر وكل شيء
مطعونه منه تتمنى تموت وترتاح
من هالدنيا كلها
مسحت دموعها وكلامه الاخير مو راضية تنساه
ما زال يرن بإذنها
**
**
**
**
**
**
مر يومين حاولت خلال سفرتي أغير جو
لعلها ترجع المياه لمجاريها
انا معصب وهي معصبه واذا شدينا الاثنين
ينقطع حبل الموده
بيننا وهذا للي ما ابغاه
حسيت انه عيالي تعقدوا من وضعنا وخاصه
لما رفضت تروح لاهلي
وعصبت عليها لانه اهلي ما لهم دخل بالمشكله
بس هي متغيره كثير صارت تزعل كثير وتعصب
من بعد ما خطبت مريم
خطب نواف شوق وانا رفضت بس بدون
ما اظهر اسباب الرفض الاساسيه
صحيح تضايقت فاطمه بس كان الوضع عادي
مر وقت ورجعت فتحت الموضوع مره ثانيه
لغايه قبل ما اسافر تشاددنا بالكلام
وزعلت
وديت العيال عند امي وقررت اوديها عند اهلها
لوقت رجوعي
يمكن تتحسن نفسيتها وترجع مثل اول
وانا سافرت
وقلت لامي اني سافرت انا وفاطمه ما ابغى
العيال يحسون بشيء
ابغى ترجع المياه لمجاريها
احس نفسيتي صارت احسن
والحين متوجه لبيت اهلها اجيبها معي
مع اني رنيت عليها وجوالها مقفل
رح اطول بالي واقول يا صبر ايوب
وقفت عند باب البيت اخذت نفس ونزلت من السياره
والجو حار شوي طقيت الباب وانتظرت
دقائق بعدها انفتح الباب
واستقبلتني اكره مخلوقه على قلبي حماتي
لا تقولون وش سبب الكره
من عند الله ما احبها ولا اطيقها
وفعايلها بالماضي زادت كرهي لها رديت
السلام بهدوء : السلام عليكم
حسيتها ردت بدون نفس : وعليكم السلام
وتكلمت معها من باب الاحترام : اخبارك خالتي ؟؟
وردت بنفس الطريقة : بخير
وبكلمه رخوه : تفضل تقهوى
رديت بهدوء : مشكوره
بس بغيت فاطمه اتصل فيها جوالها مغلق
ردت علي بهدوء واحس بعيونها كلام : الحين اشوفها
تنهدت بعد ما راحت
صحيح حنونه على عيالي وتدلعهم بس ما احبها
ولا احب عيالي يزورونها
تراها تلعب بعقل عشيره
احس بالحر وسندريلا ما طلعت
بعد لحظات طلعت للباب وحسيت نفسي انسدت لما شفتها : فاطمه ما تبغ
سكتت لما شافت فاطمه خلفها طالعه
ومعها اغراضها
لا اخفيكم تنهدت براحه لما شفتها
تراها حنونه وانسانه رائعه راقيه
بس ما ادري وش قالبها هالفتره
سلمت على امها وطلعت لي وردت السلام
بهمس وباين انه بدون نفس
تعمدت اني ما ارد عليها ورديت بنفسي
ماده البوز وكأني ذابح اهلها
ركبنا وحركت السياره والصمت يعم بالمكان
ناظرتها بطرف عيني صاده جهة الشباك
خليها اشوف متى ينزل الحطب من راسها
**
**
**
**
**
**
**
فاطمه
جالسه جنبه وللحين مقهوره ومتضايقه
ما ادري مو قادره انسى كلامه
وهو ولا عند باله
ما رح ارجع واعتذر لاني ما غلطت
كل مره انا ارجع لما اغلط بس هالمره انا ما غلطت
هو للي غلط وزادها بكلامه
حتى ما كلف نفسه يسأل عني ولا كأني موجوده
وقف السياره عند اهله
قصدي بيتنا
ترى البيت للي ساكنه فيه امه لنا
بس ناصر تركه ورحل لمنطقه ثانيه
نزل من السياره ولا قال انزلي ولا عبرني
كنت ما ابغى انزل بس اشتقت لعيالي
كم يوم وما قدرت افارقهم
وخاصة
خالد وسامي احسهم حساسين ويستحون
من للي حولهم
بعكس شوق وياسر يأخذون حقهم وزيادة
ابتسمت شبح ابتسامه لذكرى شوق
ونزلت من السياره
وتوجهت خلفه بهدوء
اول ما دخلت شفت خالد وسامي يسلمون على ناصر
والفرحه باينه بعيونهم بشوفتنا
صحيح قلبي مليان هموم ونكد بس ذول بدايه حياتهم
وش ذنبهم يتعقدون من حياتهم
اتصنعت الابتسامه وسلمت عليهم
بحراره ذول قطعه من روحي
غلاتهم غير يمكن لاني انا للي ربيتهم
بعدها سلمت على خالتي بهدوءوناظرت باستغراب : وين شوق ؟؟؟
ردت خالتي بابتسامة : الحين جايه
استغربت ما اشتاقت لنا ولا كلفت نفسها تنزل تستقبلنا
شفتها وهي نازله من الدرج بهدوء
اقتربت وسلمت على ابوها بهدوء وسكون وجمود
وبعدها سلمت علي بنفس البرود والجمود
وانا احس عيونها فيها حكايه
يمكن زعلانه مني ما حكيت معها
سألتها عن احوالها طالعتني وابتسمت
شبح ابتسامه اقرب للاستهزاء
واعطتني نظره ما فهمت قصدها
وهزت راسها
ورجعت لاغراضها تحملهم
غمضت عيوني للحظات ادري انها زعلانه
وما تبغى تكلمني
بس اعرفها ما تعرف الزعل لحظات ورح ترجع
شوق الثرثاره
بعدها قال ناصر نرجع للبيت وطلعنا
والصمت يعم السياره
**
**
**
**
**
بعد العصر
مريم بفرحه : بابا الحين جاي
عبود : للي يسمعك صار له غايب سنوات
تراه ما سافر الا كم يوم !!!
مريم بنعومه : لو سافر ساعه اشتاق له
واحب اشوفه حتى لو ما اكلمه
بس شوفته تسعدني
عبود بسخريه : طلع لها لسان هالمثاليه !!
ناظره وليد وابتسم بدون نفس وما رد
دخل فارس وجلس معهم
وناظر وليد للي يده تحت خده وماد البوز شبرين
قاطعهم دخول ناصر رد السلام بصوت عالي
وقف فارس وهو يرحب ويهلي فيه
وسلم عليه بحراره بادره ناصر نفس السلام : اخباركم؟؟؟
فارس بابتسامة : الحمد لله كلنا بخير
وسلم على زوجته وعلى البنات وعلى عبود
بابتسامة
ولما وصل عند وليد كشر ومد يده بدون نفس
سلم وليد وحز بخاطره
حتى ما سأله عن حاله
جلس وحاس بالغصه بحلقه وش هالذنب للي اقترفه حتى يعمل فيه كذا
تعوذ من الشيطان بداخله وهو يحس بداخله
نار تشتعل
جلس ناصر وقلبه على وليد يدري انه قسى .عليه
بس يبغى انه يعلمه درس
كيف يحترم اخوه الكبير وما يمد يده عليه
مهما كان السبب
في الف طريقه للتفاهم بس بدون الضرب
للحين متضايق وليد للي بالمدرسه يتمادى
ويمد يده على اخوه الكبير للي بينهم سنوات
مو قليله
المفروض يكون فيه حدود ما يتعداها وليد
كثير يتضارب مع عبود وخالد وسامي ولا مره
عاقبته بالشكل هذا
لانهم تقريبا نفس العمر
والمضاربه بهذا السن بينهم شيء رسمي
لكن غير المعقول انه يتمادى على اخوه للي يفوقه بسنوات
ناظرت شريفه وحسيتها انها متضايقة علشان وليد
ادري انها ام وتضايق لضيق ولدها
بس طنشت ابغاه يتعلم من اغلاطه
بس والله قطع قلبي وانا احسه مخنوق
والدموع بعيونه
وغصب عني جلست جنبه وضربت على كتفه
بخفه : اخبارك يا وليد ؟؟؟
حسيته تفاجئ واستغرب ابتسمت على شكله
مسحت على شعره: علامك تناظرني كذا ؟؟
هز راسه بالنفي
حسيت دموعه تنزل بأي لحظه همست بإذنه : قوم اشرب مويه وارجع اجلس معنا
هز راسه وقام بدون كلمه واحده
واحس بعيون الجالسين فرحه لاني تكلمت مع وليد
**
**
**
**
**
من لما رجعت لا اكلم ناصر ولا يكلمني
الهدوء يعم البيت
حتى شوق معتزله بالغرفه وزعلانه ما تكلمني
ما تدري انه مشاكلي مع ابوها
بسببها
واليوم امي متصله علشان نواف والله ما ادري وش اعمل
ناصر رافض نهائيا بس رح اكلمه مره ثانيه مع اني متأكدة من الاجابه
رفعت راسي وشفته داخل وراسم الكشره
على ملامحه
تدرون اول مره تصير بيننا مشكله وما نكلم بعض
مثل هذي المره
لانه ولا واحد مننا تنازل واعتذر
رد السلام بهدوء
وتوجه للغرفه بس وقفته لازم افتح الموضوع
مره ثانية : انتظر شوي
لف وناظرني وكأنه مو طايقني انقهرت منه
بس طنشت : بالنسبة لشوق ترى اهلي اليوم جايين يخطبونها رسمي
حسيته تنرفز وتكلم بحده : فاطمه قلت لك
هالموضوع منتهي ولا تفتحينه
والا شغل احراج جايين
قولي لهم ضيوف حياهم الله خطابين لا
تنرفزت منه : ما يحق لك ترفض
شاور البنت يمكن تبغى ولد خالها
ما يطلع لك تقرر عنها
طالعني باستخفاف ولف وجهه : انسي الموضوع
قهرني ورفع ضغطي : قول انه فارس مو موافق
وخلصنا
ناظرني وعقد حواجبه : وش دخله فارس بالموضوع ؟؟؟
ناظرته بقهر : لمتى فارس يتدخل بحياتنا
وش دخله فينا ؟؟؟
عصب وبصوت حازم : جيبي سيره فارس على لسانك مره ثانية
والله ما يحصل خير
وفارس ما له دخل انا للي رفضت
والاسباب قلتها لك
وتركني ودخل
اتصلت بأمي اخبرها عن رفض ناصر النهائي
**
**
**
**
**
ام عمر بعد ما قفلت من فاطمه ناظرت ياسر مستلقي على الكنبه
وهي تفكر بعدها كلمته بهدوء : ياسر
وش تقرب لك شوق ؟؟؟
ناظر جدتها وبعدها اسند نفسه وابتسم : جده
الظاهر انك فقدتي الذاكره
تكلمت بجديه : اقول لك وش تقرب لشوق ؟؟
ياسر هز كتوفه وهو يبتسم : يقولون اختي
ام عمر وصلت لمربط الفرس وبخبث : انت مسؤول عنها ليه ما تزوجها انت لنواف
ناظرها بتفكير وبعدها تكلم : ابوي موجود
تبغين ألغي وجود ابوي
لا لا انسي الموضوع
ام عمر : اذا ابوك ما يعرف مصلحه شوق
تبقى ساكت وتناظر
لا هذي اختك لا تترك فارس يتحكم فيها
سحب سيجاره وولعها وسحب نفس بعد
ما اشعلها ونفث الدخان : ترى ابوي وليها
كيف ازوجها انا
ما رح يرضون حسب معلوماتي
ام عمر باقناع : اذا اعترضوا نقول لهم انه ابوها
ما يعرف مصلحتها
ومن هذا الكلام
حرك حواجبه بالرفض : انسي الموضوع
تنهدت بتفكير وبعدها ابتسمت بمكر
: خلاص لقيتها اسمع الخطه
عدل جلسته وهو يناظر جدته ويسمع كلامها
بدقه
**
**
**
**
**
**
**
جالس بالمكتب وهو يسمع لفارس
بعد ما كمل فارس ناظره : وش رايك بالموضوع ؟؟؟
ناصر تنهد بحيره : ما ادري
اسأل عن الشاب واشوف رأي شوق
واعطيك الجواب
فارس خاف اذا طال الموضوع ينكشف ويتفركش
كل شيء : خلاص اذا مو مرتاح انسى الموضوع
واذا تبغى تسأل عن الرجال اسأل
مع اني قلت لك رجال وموظف عندي
اذا مو واثق بي خلاص انسى الموضوع
ناصر ناظره : لا لا مو قصدي شيء
بس انت تعرف الزواج مو لعبه
وبما انك تعرفه وسألت عنه
خلاص اشوف شوق وارد لك خبر
فارس باعتراض : وليه تسألها انت تعرف مصلحتها
وما في داعي تسألها اذا انت موافق خلينا
نتوكل على الله
ناصر هز راسه بالرفض : ما رح ازوجها
الا بموافقتها
فارس انقهر : طيب انت رفضت نواف بدون ما تستشيرها
ناصر بهدوء : رفضت نواف لاسباب تعرفها
واسباب ما تعرفها
ولصالح شوق رفضت نواف
لانه مصلحة ابنتي فوق كل شيء
وخلاص انا اشوف شوق وارد لك
تنهد بقهر وهو خايف كل مخططاته
تفشل : بس لا تقول لها انه عن طريقي
انت تعرفها يمكن ترفضه لانه بس عن طريقي
هز ناصر راسه : خلاص ان شاء الله
طلع فارس وظل ناصر يفكر بحيره
وما يدري موقف فاطمه اذا عرفت
يمكن تعصب علشان نواف
رح يكلم شوق عن الرجال للي من جهة فارس
مع انه حاليا ما يبغى يزوجها حتى تهدأ
الاوضاع
بس ما يبغى يقطع نصيبها
تنهد بتعب متضايق ومخنوق كيف انقلب
حالهم
وقف وهو مقرر يطلع من البيت شوي وبعد ايام
يكلم شوق
***
***
***
***
***
انتهى البارت ....انتظروني يوم الاثنين القادم بإذن الله ....دمتم بخير ^_^
